• Opnað verður fyrir umsóknir 10. september. ÝTTU Á HÉR TIL AÐ SÆKJA UM.
• Umsóknarfrestur fyrir HönnunarMars 2020 er til 10. nóvember 2019.

• hönnuðir, arkitektar, stúdíó og stofur.
• fyrirtæki sem byggja starfsemi sína á hönnun eða arkitektúr.
• fyrirtæki sem selja hönnun eða hannaðar vörur.
• menningarstofnanir, söfn og sýningarsalir sem standa fyrir eða hýsa sýningar eða viðburði.
• menntastofnanir á svið hönnunar og arkitektúrs.

Valnefnd fer yfir umsóknir um þátttöku á HönnunarMars og velur sýningar og viðburði sem verða á dagskrá hátíðarinnar.

Um 100 sýningar og viðburðir eru valdir á dagskrá hátíðarinnar. Leiðarljós valnefndar er að móta fjölbreytta en skýra dagskrá sem byggir á faglegum, áhugaverðum og áhrifamiklum verkefnum sem höfða til ólíkra hópa.

Verkefnin eru flokkuð samkvæmt eftirfarandi áherslum:

• fagleg verkefni stýrð af listrænum stjórnanda og/eða í viðurkenndum sýningarsal.
• tilraunakennd og nýskapandi verkefni
• faglegar nýjungar og vörur
• opin hús eða vinnustofur
• málþing, erindi eða samtöl

Valnefnd mun velur hvaða verkefnum verður gert hátt undir höfði í kynningarefni hátíðarinnar m.a. prentuðu riti HönnunarMars, á samfélagsmiðlum, í fréttabréfi og á vefsíðu. Allar sýningar/viðburðir umsækjenda verða teknar til greina við valið.

*Í valnefnd situr stjórn HönnunarMars, stjórnandi HönnunarMars, verkefnisstjóri dagskrár, aðili skipaður af Listaháskóla Íslands og fulltrúi Reykjavíkurborgar.

Fyrst er sótt um þátttöku og þegar samþykki liggur fyrir þarf að bæta inn nákvæmari upplýsingum. Efnið verður meðal annars notað til kynningar á viðkomandi þátttakanda. Umsóknir eru aðeins teknar gildar í gegnum umsóknarferli HönnunarMars.

Umsóknarferlið fyrir HönnunarMars 2020 er frá 10. september til 10. nóvember. Vinsamlegast athugið að umsóknarferlið er styttra en áður svo tími gefist til að vanda betur til undirbúnings og kynningarstarfs.

Í umsókn er gerð grein fyrir hugmynd, markmiði og innihald sýningar / viðburðar og lýsir umgjörð, dagskrá og því sem gerir verkefnið sérstakt, áhugavert og faglegt. Í umsókninni skal fylgja rökstuðningur fyrir því hvers vegna sýningin/viðburðurinn á heima á HönnunarMars. Einnig er farið fram á aðrar gagnlegar upplýsingar.

Umsækjendur eru hvattir til að senda umsóknir tímanlega því umsóknir verða yfirfarnar reglulega og svör um þátttöku send út a.m.k. tvisvar á tímabilinu.

• Skráning viðburðar í dagskrá sem er miðlað á heimasíðu HönnunarMars.
• Skráning viðburðar í dagskrá / prentað upplag 7.000 eintök.
• Skráning viðburðar í sérblaði Grapevine / upplag 25.000 eintök
• Skráning viðburðar í dagskrá sem er kynnt fyrir innlendum og erlendum fjölmiðlum.
• Afnot af sameiginlegu kynningarefni HönnunarMars
• Skilti til að merkja sýningarstaðinn.
• Plaköt HönnunarMars til að nýta á sýningarstað.
• Bæklinga HönnunarMars til að dreifa á sýningarstað.
• Kynningu á samfélagsmiðlum Hönnunarmiðstöðvar og HönnunarMars.
• Námskeið í byrjun árs varðandi bestun á PR & samfélagsmiðlum.
• Boð á sérviðburði
• Aðstoð og ráðgjöf
• Tækifæri til að sækja um þátttöku í DesignMatch

Þegar umsókn þín hefur verið samþykkt þá sendum við þér slóð þar sem þú skráir þig og færð “lykil” til auðkenningar. Þá kemst þú inn í form og þar setur þú inn ítarlegri texta og myndefni um sýninguna/viðburðinn sem mun svo birtast á honnunarmars.is / designmarch.is og einnig við kynningu á viðburðinum og hátíðinni. Mikilvægt er að yfirfara vel allan texta og huga vel að því að myndefni sé í birtingargæðum.

Dagskrársíða HönnunarMars er fjölsótt enda er hún vettvangur gesta hátíðarinnar til að sækja sér upplýsingar um hvað er á döfinni.

Því fyrr sem upplýsingar eru komnar inn í kerfið því fyrr geta starfsmenn Hönnunarmiðstöðvar byrjað að kynna viðburðinn fyrir fjölmiðlum.

Sýnendur bera sjálfir ábyrgð á að finna sér sýningarstað fyrir sýningar og viðburði þó auðvitað sé starfsfólk HönnunarMars boðið og búið að aðstoða svo sem frekast er kostur.

Aðildarfélög Hönnunarmiðstöðvar Íslands standa sum fyrir samsýningum á hátíðinni.
Frekari upplýsingar veita verkefnastjórar og/eða formenn félaganna:

• Arkitektafélag Íslands – ai@ai.is
• Textílfélagið – Lilý Erla Adamsdóttir – lily.adamsdottir(hjá)gmail.com
• Félag húsgagna og innanhússarkitekta – Rósa Dögg Þorsteinsdóttir – fhi(hjá)fhi.is
• Félag íslenskra landslagsarkitekta – Svava Þorleifsdóttir – svavathor(hjá)gmail.com
• Félag vöru- og iðnhönnuða – Kristín María Sigþórsdóttir – kristinmaria(hjá)gmail.com
• Félag íslenskra gullsmiða –  Ása Gunnlaugsdóttir –asa(hjá)asaiceland.com
• Félag íslenskra teiknara – Íris Sveinbjörnsdóttir -iris(hjá)reykjavik-underground.com
• Fatahönnunarfélag Íslands – Magnea Einarsdóttir – fatahonnunarfelag(hjá)gmail.com
• Leirlistafélag Íslands – Sigrún Norðdahl – leirlistafelagislands(hjá)gmail.com

Skráningargjald – sýnendur /hönnuðir

18.000 kr. félagsmenn Hönnunarmiðstöðvar.
9.000 kr. snemmskránig til 10.október fyrir félagsmenn Hönnunarmiðstöðvar (50% afsláttur).
25.000 kr. fyrir þátttakendur utan félags.

Hver hönnuður og/eða hvert vörumerki sem stendur fyrir sýningu eða viðburði utan eigin sýningarstaðar (sjá skilgreiningu á sýningarstað hér fyrir neðan) t.d. í sal, hjá fyrirtæki eða með samtökum, greiðir þetta skráningargjald hvort sem viðkomandi sýnir einn eða með öðrum í samsýningu.

Skráningargjald – sýningarstaðir

39.000 kr. sýningarstaðir
19.500 kr. snemmskráning til 10. október, sýningarstaðir í eigu félagsmanna Hönnunarmiðstöðvar (50% afsláttur).

Sýningarstaður er fyrirtæki, safn, stofnun og samtök sem hýsa eigin sýningu eða sýningu/-ar annara. Með sýningu safna undir listrænni stjórn er átt við sýningar þar sem hönnuðir sýningarmuna taka ekki að eigin frumkvæði þátt í sýningunni, heldur er listrænn stjórnandi sem velur viðfangsefni og sýningarmuni.

Ertu með spurningu varðandi sýningarstaði? Sendu okkur línu á info@honnunarmars.is – öllum fyrirspurnum er svarað innan 7 daga. Ef erindið þolir enga bið hafðu samband í síma 771 2200.

Skráningargjald – nemendasýningar

18.000 kr. nemendasýningar

Með nemendasýningum er átt við sýningar nemahópa í hönnun eða arkitektúr á háskólastigi.