Efnasmiðjan er vinnustofa Elínar S Harðardóttur og Ingu K Guðlaugsdóttur, vöruhönnuða. Þær glíma við hugmyndir um efni og aðferðir og hver áhrif þeirra eru á fólk og umhverfi. Viðfangsefni þeirra eru þróun á trefjaefni úr lúpínuplöntunni ásamt hönnun og framleiðslu á leirílátum til matargerðar.
Lúpína í nýju ljósi er hönnun á sterku umhverfisvænu trefjaefni, án utanaðkomandi bindi- eða aukaefna. Verkefnið er á þróunarstigi og kannaðar eru ýmsar leiðir í ferlinu. Varðveisla er vörulína með ílátum úr leir sem auðvelda súrkálsgerð. Aðferðir sem byggjast á hefðum eru færðar í nútíma hönnun.