Eina leiðin er upp!
DesignTalks ráðstefnan markar upphaf HönnunarMars, uppskeruhátíðar hönnuða og arkitekta. DesignTalks 2019 varpar ljósi á hlutverk og áhrifamátt hönnunar á tímum stórfelldra breytinga í heiminum og leggur til að “eina leiðin sé upp!”
Viðfangsefni dagsins spanna vítt svið. Þar má nefna hönnun bygginga sem framleiða meiri orku en þær nota, brautryðjendabaráttu fyrir sjálfbærni í tískuheiminum, möguleikum og áskorunum stafrænna heima, hlutverki grafískrar hönnunar í nýliðnum pólitískum atburðarásum, vannýttum efnivið til búsetu á Mars og hönnun nýrra lífvera.
Katrín Jakobsdóttir forsætisráðherra setur DesignTalks 2019. Ráðstefnan er opnunarviðburður HönnunarMars, skipulagður af Hönnunarmiðstöð Íslands og dagskrárstjórn er í höndum Hlínar Helgu Guðlaugsdóttur.
DesignTalks er ætlað að veita hönnuðum og arkitektum, áhrifafólki í samfélaginu, viðskiptum, stjórnvöldum og almenningi, innblástur til samstarfs og framfara.
DesignTalks er skipulagt af Hönnunarmiðstöð Íslands og styrkt af Arion banka og Reykjavíkurborg.
Silfurberg, Harpa
- Bæta við í dagatal
Dyrnar opna kl.8.30. Kaffitár býður upp á kaffi.
Kaupa miða